BISITA SA FIESTA AT BUENAS PASCUA, BAWAL MUNA

Pansamantalang ipinagbawal ng pamahalaang lokal ang tradisyunal na ‘pamiesta’ at ‘buenas pascua’ sa Kalibo ngayong hindi pa natatapos ang COVID-19 pandemic.

Batay sa Executive Order No. 088 na inilabas ni Mayor Emerson Lachica, hindi muna papayagan ang mga bisita na maki fiesta o buenas Pascua sa kanilang mga kamag-anak sa Kalibo.

Maaari pa rin na maghanda ng mga masasarap na pagkain na nakaugalian na pero ekslusibo lang dapat ito sa mga nakatira lamang sa iisang bahay.

Hinihikayat din ang lahat na sa halip umalis ng bahay ay maki-celebrate nalang sa pamamagitan ng online o virtual get-together ngayong Yuletide Season.