Bagyong Dodong, kasalukuyang umuusad sa Hilaga Hilagang-Kanluran ng Cagayan Valley

Ayon sa pinakahuling ulat mula sa PAGASA, ang Tropical Depression Dodong ay kasalukuyang kumikilos patungong hilaga hilagang-kanluran at naka-posisyon na sa hilagang-kanlurang bahagi ng rehiyon ng Cagayan Valley.

Sa 8 a.m. weather bulletin ng PAGASA, ang sentro ng bagyong Dodong ay tinatayang malapit sa Lasam, Cagayan. Ito ay may maximum na sustained winds na 45 kilometro bawat oras (kph) malapit sa kanyang sentro, na may bugso na umaabot ng hanggang 75 kph.

Sa kasalukuyan, umuusad si bagyong Dodong na may bilis na 25 kph patungong hilagang hilaga-kanluran.