Dating sundalo, nagwala dahil hindi umano nag first honor ang anak

Nag-amok ang isang dating sundalo sa Cebu City dahil hindi ibinigay sa kanyang anak ang pagka-first honor.

Nagwala umano ang dating sundalo sa graduation ceremony na ginanap sa Cebu Sports Club sa Cardinal Rosales Avenue sa Cebu City ngayong Miyerkules, Hulyo 13.

Napag-alaman kinalaunan na nagkaroon lamang umano ng “misunderstanding” sa pagitang ng dating sundalo at may-ari ng paaralan.

Gayunpaman, inimbita pa rin ng rumespondeng pulis ang magkabilang panig na pumunta sa Mabolo Police Station 4 upang doon ayusin ang gusot sa pagitan ng dalawa.|