Bagyong Egay, Tumama na sa Fuga Island, Aparri, Cagayan: Pag-uulan, patuloy na inaasahan

Ayon sa PAGASA, tumama na ang bagyong Egay sa Fuga Island, Aparri, Cagayan kaninang 5:00 ng umaga. Inaasahang magdudulot ito ng malakas na pag-ulan sa iba’t ibang lugar sa bansa.

Sa hilagang-kanluran ng Cagayan kabilang ang mga Babuyan Islands, hilagang bahagi ng Apayao, Abra, Ilocos Norte, at Ilocos Sur, higit sa 200 mm ang inaasahang dami ng ulan.

Sa Batanes, hilagang-silangan at sentro ng Cagayan, iba pang bahagi ng Apayao, kanluran ng Kalinga, kanluran ng Mountain Province, Benguet, at La Union, inaasahang aabot din sa 00-200 mm ang dami ng ulan.

Sa iba pang bahagi ng Cagayan, iba pang bahagi ng Kalinga, iba pang bahagi ng Mountain Province, kanluran ng Ifugao, kanluran ng Nueva Vizcaya, Pangasinan, at Zambales, inaasahang aabot sa 50-100 mm ang dami ng ulan.

Ayon sa ulat, nagbabadya rin ng malakas na hangin sa iba’t ibang lugar. Inaasahan ang violent at life-threatening na kondisyon sa Babuyan Islands, hilagang-kanluran ng Cagayan, at sa hilagang mga bahagi ng Apayao at Ilocos Norte sa loob ng susunod na 6 na oras.

Ang mga tao ay pinapayuhan na mag-ingat at umiwas sa mga lugar na madaling magka-landslide at baha, lalo na sa mga lugar na matataas at bulubundukin. Magpapatuloy din ang mga monsoon rains sa mga kanlurang bahagi ng Central Luzon, Southern Luzon, at Visayas sa susunod na tatlong araw.

Hinihikayat ang publiko na maging laging handa at alerto sa mga susunod na balita at updates mula sa PAGASA.