54-anyos na mister, nagbaril sa sarili sa Tapaz, Capiz

Patay ang isang 54-anyos na mister sa Brgy. San Nicolas, Tapaz, Capiz matapos magbaril sa kaniyang sarili.

Batay sa report ng Tapaz PNP, hapon ng Huwebes, nakarinig ng putok ang misis ng biktima sa loob ng kanilang bahay dahilan para dali-dali itong umuwi.

Pagpasok sa loob ng bahay, tumambad sa kaniya ang duguan na na katawan ng mister na minabuting hindi na pangalanan na nakabulagta sa loob ng kaniyang kuwarto.

Sa imbestigasyon ng kapulisan, nagtamo ng sugat sa dibdib ang biktima at sa gilid nito ay natagpuan ang isang short homemade single shot 12 gauge.

Dinala pa ng mga rumespondeng tauhan ng Tapaz PNP ang duguang lalake sa ospital pero hindi na ito umabot ng buhay.

Isang magsasaka ang biktima. Hindi pa tukoy kung ano ang sanhi ng pagpapakamatay nito pero ayon sa asawa ilang beses narin umano itong nagtankang kitlin ang kaniyang buhay.