16-ANYOS NA DALAGITA, GINAHASA NG APAT NA KALALAKIHAN

Malagim na pangyayari ang sinapit ng 16 anyos na dalagita matapos gahasain ng 4 na kalalakihan kagabi sa Brgy. Jalas, New Washington, Aklan.

Ayon sa nakalap na impormasyon ng Radyo Todo, alas-otso kagabi ng sinundo ng isa mga suspek na menor de edad ang biktima na nakilala lamang sa Facebook na agad naman itong sumama.

Pagdating sa isang abandonadong bahay sa Brgy. Jalas kung saan doon dinala ang biktima kasama ang 3 menor de edad.

Nagkayayaan sila na mag inuman, pero bumili muna ng alak ang isang suspek sa tindahan at doon nakita at niyaya ang isa pang suspek na 22 anyos na makipag-inuman sa kanila.

Alas-onse na ng gabi at dahil na rin sa impluwensya ng alak at nakainum na rin ang biktima sunod-sunod na nila itong ginahasa.

Magkasunod na gumahasa ang tatlong menor de edad at pang huli naman ang 22 anyos na lalaki.

Matapos ang panghahalay sa biktima agad na umalis ang mga menor de edad at naiwan naman ang isa nilang kasama.

Dahil sa pangyayari nag sumbong ang biktima sa kanyang pamilya at humingi ng tulong sa mga kapulisan.

Agad namang naaresto ang mga salarin at inamin ang kahalayang ginawa sa biktima.

Sa ngayon ay nasa kustodiya na ng mga pulis ang mga suspek.