Ford ranger nahulog sa palayan sa Roxas City, Capiz; driver nakainom, walang lisensya

Bumangga sa concrete post bago tumilapon sa palayan ang isang Ford Ranger pick-up sa kahabaan ng highway sa Brgy. Cabugao, Roxas City.

Kinilala ang driver ng pick-up na si Lloyd Abendaño, residente ng Brgy. Santa Cruz, Ivisan. Habang ang sakay nito ay nakilalang si Sheryl Brillantes, residente ng Brgy. Poblacion, Panit-an.

Batay sa report ng Roxas City PNP, galing umano sila sa bayan ng Ivisan nang nawalan ng kontrol ang driver ng sasakyan, lumagpas ito sa kurbadang bahagi ng kalsada, bumangga sa poste bago nahulog sa palayan.

Walang maipakitang lisensiya ang driver pati na mga kaukulang dokumento ng sasakyan. Naobserbahan rin na nasa ilalim ito ng nakalalasing na inumin.

Tumanggi rin ang dalawa na magpa-blotter sa police station saka umalis sa pinangyarihan ng aksidente para ipagamot ang mga sarili.

Nagtamo naman ng ilang pinsala ang nasabing sasakyan sa hindi pa malamang halaga.