3 SUGATAN MATAPOS MAAKSIDENTE SA MOTORSIKLO SA PONTEVEDRA, CAPIZ

Sugatan ang isang menor de edad na driver ng motorsiklo at dalawang angkas nito matapos makasagi ng isa pang motorsiklo sa Brgy. Jolongajog, Pontevedra, Capiz gabi ng Lunes.

Ang driver ay edad 13-anyos. Ang mga angkas niya ay sina Robert Suplito, 48, at Nomberto Relano, 41, mga construction worker at lahat mga residente ng Brgy. Rizal sa nasabing bayan.

Ayon sa inisyal na imbestigasyon ng Pontevedra PNP, binabaybay ng nasabing driver ang kalsadahin mula sa Brgy. Binuntucan at papauwi na sana sa kanilang mga residensya nang maganap ang aksidente.

Nasagi umano ng menor de edad ang isang motorsiklo sa kanilang unahan na menamaneho ni Regei Taunan, 24, isang mangingisda, angkas si Jessa Marie Buhat, 23, at isang 2-anyos na batang babae, pawang mga residente ng Brgy. Jolongajog.

Nagtamo ng sugat sa iba-ibang bahagi ng katawan ang menor de edad na driver at ang mga angkas nito. Isinugod sila sa Bailan District Hospital para sa kaukulang paggamot.

Iniimbestigahan pa ng kapulisan ang insidente.