LALAKI, SINAKSAK NG BASAG NA BOTE SA MUKHA, SUGATAN

Sugatan ang isang lalaki matapos umanong saksakin ng basag na bote sa mukha ng mismong kainuman alas 10:25 kagabi sa Andagao, Kalibo.

Nakilala ang biktimang si Rodel Cuarez, 38 anyos, at ang suspek na si Jessie Bert Datuin, 29 anyos, kapwa residente ng nasabing lugar.

Base sa imbestigasyon ng pulis, magkakasama ring nag-iinuman sa isang bahay kagabi ang dalawa kasama ang isa pa nilang barkadang si Terence Dela Cruz na taga Feliciano, Balete.

Kinalaunan, nagtalo umano biktima at suspek dahil umano sa kanilang kalasingan, na nauwi sa panununtok ni Datuin kay Cuarez sa dibdib. Kaunod nito, kumuha pa umano ng basag ba bote si Datuin at sinaksak sa mukha ang biktima.

Doon na umano pumagitna si Dela Cruz, kung saan sila naman ang nagrambol ni Datuin.

Samantala, kaagad dinala at ginamot sa ospital si Cuarez na nakalabas din agad, at doon na silang tatlo nagkita sa presento ng Kalibo PNP.

Nagkasundo naman ang mga ito na idaan nalang sa barangay justice system ng New Buswang ang kanilang problema.