57 ANYOS NAKURYENTE, PATAY

Tangalan – Patay ang isang lalaki sa Tondog, Tangalan matapos umanong makuryente.

Nakilala ang biktimang si Leny Teñoso, 57 anyos ng Poblacion, Tangalan.

Ayon sa Tangalan PNP, nangyari ang insidente mag-a alas 6:45 ng umaga, subalit ala 1:00 na nang hapon kahapon naireport sa kanila ng asawa at anak ng biktima.

Base sa salaysay ng kanyang anak na si Francis Marco, nakita na lamang umano nitong may live wire pala ang hinahawakang hollow block machine ng kanyang ama na posibleng rason ng kanyang pagka kuryente.

Kaagad namang rumesponde ang MDRRMO at dinala sa ospital ang biktima subalit binawian ng buhay dakong alas 8:30 kahapon ng umaga.