Aklan News
LALAKING NANGHAMON NG AWAY, SINAKSAK AT PINALO PA NG KAWAYAN
Tangalan – Patuloy pang ginagamot sa ospital ang isang lalaking sinaksak at pinalo pa umano ng kawayan alas 5:30 Lunes ng hapon sa Sitio Tanza, Pudiot, Tangalan.
Nakilala ang biktimang si Jimmy Flores, sa legal na edad, habang arestado naman ang suspek na si Jesse Baganosan, ‘alyas Paning’, 28 anyos, kapwa residente ng nasabing lugar.
Base sa imbestigasyon ng Tangalan PNP, nasa impluwensiya umano ng alak ang biktima nang sugurin nito sa kanyang bahay ang suspek at hinamon ng away.
Doon din umano lumabas ang suspek at sinaksak ang biktima na tinamaan sa kanyang kaliwang balikat.
Sinasabing hinampas pa umano ito ng suspek ng kawayan nang matumba sa lupa.
Kaagad tumakas ang suspek matapos ang insidente, habang isinugod sa pagamutan ang biktima.
Lumalabas pa sa imbestigasyon na may dati nang alitan ang dalawa, bago paman nangyari ang insidente.
