18-ANYOS NA BINATA, ARESTADO SA PANANAKSAK

Kalibo – Arestado ang 18 anyos na binata matapos manaksak pasado alas 8 kagabi sa Mercedes Village, New Buswang, Kalibo.

Nakilala ang suspek na si Dave Tubalinal, residente ng New Buswang, Kalibo habang confined ngayon aa ospital ang biktimang si Richard Tinapunan, 40 anyos at residente ng Mercedes Village, New Buswang, Kalibo.

Base sa imbestigasyon ng Kalibo PNP, pauwi na kagabi sakay sa kanyang bisekleta si Tinapunan ng makasalubong si Tubalinal at bigla na lamang niyang sinaksak ang biktima sa ilalim ng kili-kili.

Agad umanong tumakas ng suspek pagkatapos ng insedente dahilan upang hindi na ito naabutan ng mga rumesponding mga pulis.

11:40 kagabi habang nagsasagawa ng hot pursuit operation ang mga otoridad ng makatanggap ng mensahe mula kay certain “Allan” at nag-iimporma na andon sa Mercedes Village ang suspek at handa na umano itong sumuko.

Agad na kinuha ng mga pulis ang suspek sa lugar at dinala sa ospital at positibo na itinuro ng biktima na ito ang sumaksak sa kanya.

Sa eksklusibong panayam ng Radyo Todo sa suspek, inamin nito na nasaksak niya ang biktima dahil umano sa kanyang pagkabigla ng makasalubong niya ito sa daan habang tumatakas sa humahabol umano sa kanyang mga kalaban nilang grupo at ang biktima ay kasama sa grupong kalaban nila.

Inamin din niya na may alitan ang kanyang grupo sa grupo ng biktima pero matagal na umano iyon.

Itinanggi naman niya na siya ang nambato sa bubong ng isang bahay sa Mercedes Village kagabi bago mangyari ang pananaksak.

Kasalukuyang nakakulong sa Kalibo PNP si Tubalinal at inihahanda na ng inquest case laban sa kanya.