3 katao nagreklamo matapos lumuwas ng Manila ang upline, hindi nakapag-pay-out

Nagreklamo sa Roxas City PNP Station ang tatlong katao matapos tinakasan sila ng kanilang upline na hindi pa nakapag-pay-out sa kanilang investment.

Kinilala ang mga nagrereklamo na sina Jerald Morales, isang vendor, residente ng Arcabalo, Bolo; Remsy Dangan, isang guro at residente ng Brgy. Baybay; at Fortunato Gemolagas, isang driver, residente ng Roxas City.

Kinilala naman ang kanilang nirereklamo na si Michael Young, residente ng San Roque St., Arches Subd., Brgy. Inzo, Roxas City.

Nabatid na ang mga nagrereklamo ay nag-invest ng malaking halaga ng pera noong buwan ng Hunyo sa pangakong doble ang maging balik nito sa kanila sa buwan ng Hulyo.

Ayon sa report, Si Morales ay nag-invest ng kabuuang Php90,000, si Dangan ay Php160,000, habang Php40,000 naman ang kay Gemolagas.

Labis naman ang pagkadismaya ng tatlo na nang kukunin na sana nila ang kanilang pay-out ay wala na umano sa kaniyang bahay ang investor at may nakapagsabing lumuwas na ito ng Maynila.

Nananawagan ang tatlo kay Young na ibalik ang kanilang pera.