LALAKI, BINARIL-PATAY NG RIDING IN TANDEM

Dead on arrival sa ospital ang isang lalaki matapos umanong barilin- patay ng riding in tandem bandang alas 11:15 kaninang tanghali sa Crossing Puis, New Washington.

Nakilala ang biktimang si Marlon Taja, 41 anyos ng San Jose, Ibajay habang sinasabing dalawang hindi pa nakilalang suspek ang bumaril sa kanya.

Sa inisyal na imbestigasyon, nagmamaneho ng kanyang topdown tricycle na may kargang kawayan ang biktima kasama ang pamangkin paliko sa Puis Centro nang huminto umano sa kanilang likuran ang nagmomotorsiklong mga suspek.

Pinaputukan umano ang biktima ng isa sa dalawang suspek at kaagad sumibad papunta sa direksyon ng Tigayon, Kalibo habang tumakbo naman dahil sa takot ang kanyang pamangkin.

Kaagad namang dinala sa ospital ang biktima subali’t hindi na ito umabot ng buhay.

Inaalam pa ng mga otoridad ang motibo ng krimen.

(Developing story)