KAMPANYA PARA IWAS-SUNOG, SUMIPA NA PARA SA FIRE PREVENTION MONTH

Walang nangyaring sunog kahapon sa Kalibo subalit narinig ang pagwang-wang ng apat na fire trucks ng Bureau of Fire Kalibo kahit maulan kasama ang ibang force multipliers sa bayan.

Kaugnay ito sa kick-off ceremony ng BFP sa Fire Prevention Month.

Ayon kay BFP Kalibo Fire Marshall SINSP Arden Bedoña, isang buwan lang sa loob ng isang taon ang Fire Prevention Month subalit hanggat maaari dapat araw-araw ang fire prevention.

Samantala, bukod sa pag motorcade at pagwang-wang ng mga bumbero, naglagay din ang BFP Kalibo ng mga poster na may temang “Sa Pag-iwas sa Sunog, Hindi ka Nag-iisa” sa ilang mga establisyemento at mga lugar bilang paalala sa kanilang kampanya laban sa sunog.

Isinasagawa ang taunang Fire Prevention month tuwing unang araw ng buwan ng Marso.