Ginang na patawid sa kalsada na hit-and-run ng tricycle, driver hindi pa tukoy

Hindi parin natutukoy ang tricycle driver na nang hit and run sa isang ginang na patawid ng kalsada sa Toting Reyes St. Brgy. Andagaw, Kalibo dakong alas- 10:45 kagabi.

Nakilala ang ginang na si Melita Salmorin, 57-anyos na residente it Brgy. Solido, Nabas, Aklan.

Napag-alaman na habang patawid si Salmorin ay bigla na lamang siyang nabangga ng isang tricycle na kulay orange at imbes na tumigil ay humarurot pa ito papunta sa direksyon ng Bayanihan Road

Bunsod nito, iniinda ng nasabing biktima ang sakit sa kaniyang likod.

Samantala, hindi rin nakuha ng biktima at ng ibang mga nakakita ang plate number ng tricycle na nakabangga sa kanya.

Sa ngayon ay patuloy pa ang imbestigasyon ng Kalibo PNP kaugnay sa nangyari.