2 lalaki, sugatan sa pananaksak sa Malinao

Isinugod sa ospital ang dalawang lalaki matapos na masaksak sa Brgy. Bulabod, Malinao.

Kinilala ang mga biktimang si Mark Anthony Rubio, 41 anyos, na nagtamo ng tama ng pananaksak sa tiyan at si Jimmer Yabut, 18 anyos na may tama rin ng pananaksak ng kanang balikat.

Kinilala naman ang mga suspek na si Emman Nobleza, 18 anyos, ng Navitas, Malinao, Jay-Ar Isuga, 18 anyos ng Cabayugan, Malinao at isa pang menor de edad nilang kasama.

Batay sa imbestigasyonn, kapwa galing sa sayawan at nakainom ang mga biktima at suspek.

Dating alitan ang tinitingnang motibo sa krimen batay kay PSMS Gerold Isuga ng Malinao PNP.

Kasong frustrated homicide ang kahaharapin ng mga suspek.