PASAHERO SA LIKOD NG MGA PICK-UP TRUCKS BAWAL NA, P5K MULTA! – LTO

Kalibo, Aklan – Mahigpit na ipinagbawal ng Land Transportation Office (LTO) ang pagsakay ng mga pasahero sa likod ng mga pick-up.

Ayon kay Jojo Jamerlan, Deputy Chief Operation Division ng LTO Regional Office 6, nakatanggap sila ng memorandum mula sa central office nitong Setyembre 30.

Base sa memorandum na pirmado ni LTO Asst. Secretary Edgar Galvante, ipinatupad ito dahil sa nakaka-alarmang numero ng mga aksidente sa kalsada na kinakasangkutan ng mga pasahero sa likod ng truck.

Nakabase ang nasabing memo sa Section 32 at 51 ng Republic Act. 4136 kung saan ipinagbabawal din ang pagsakay ng mga pasahero sa ibabaw ng jeep at mga multicab.

Ang sinumang lalabag dito ay pagmumultahin ng P5,000.