Duque, Morales at iba pang opisyal ng PhilHealth, kakasuhan ng senado

HAHARAP ngayon sa patong-patong na kasong kriminal at administratibo sina Sec. Francisco Duque, former PhilHealth President Ricardo Morales at iba pang opisyal ng PhilHealth base sa rekomendasyon ng Senate Committee of the Whole sa Department of Justice at Office of the Ombudsman.

Nitong Martes, inilabas ni Senate President Vicente Sotto III ang resulta ng naging imbestigasyon nila sa mga diumano’y anomalya sa Philippine Health Insurance Corporation (PhilHealth).

Inihayag ni Sotto na 10 senador ang nag-hain ng rekomendasyon matapos ang tatlong araw na hearing ng committee.

Batay sa rekomendasyon kakasuhan ang mga sumusunod:

-SEC. FRANCISCO DUQUE III, Chairman of the Board
-BGEN. RICARDO MORALES, former President and CEO
-ARNEL DE JESUS,
Executive Vice President and Chief Operating Officer
-RENATO LIMSIACO JR., Senior Vice President for Fund Management Sector
-ISRAEL FRANCIS PARGAS, Senior Vice President for Health Finance Policy Sector
-RODOLFO DEL ROSARIO JR.,
resigned PhilHealth Vice President for Legal Sector
-JOVITA ARAGONA
Senior Vice President for Information Management Sector
-CALIXTO GABUYA JR.,
acting Senior Manager, Information Technology and Management Department.