Mag-ama arestado sa kasong murder

Arestado ng mga kapulisan ang mag-ama sa Roxas City, Capiz matapos babaan ng warrant of arrest sa kasong murder.

Kinilala sa report ng Cuartero PNP ang mag-ama na sina Carlito Vellarial, 52-anyos, isang karpentero at Peter John Vellarial, 26, mga residente ng Malipayon Village, Brgy. Tiza Roxas City.

Ang dalawa ay nahaharap sa kasong murder. Ang kanilang warrant ay ibinaba ni Hon Lorencito Diaz, presiding judge, Branch 17, Hall of Justice dito sa Roxas City noon pang Mayo 14.

Nabatid na Top 3 Most Wanted Person si Peter John ng Cuartero PNP.

Walang piyansa na itinakda ang korte para sa kanilang pansamantalang paglaya.

Ang matagumpay na operasyon ay ikinasa ng Cuartero PNP sa pangunguna ng kanilang Chief of Police na si PLt. Fangco.