3rd INFANTRY DIVISION NG PHIL ARMY, MAY BAGONG ACTING DIVISION COMMANDER

CAPIZ – Pormal ng umupo bilang bagong Acting Division Commander ng 3rd Infantry Division ng Philippine Army si Brigadier General Noel Baluyan matapos ang isinagawang Change of Command Ceremony sa Camp Peralta, Jamindan, Capiz kahapon.

Pinalitan ni Baluyan si Major General Eric Venoya matapos umabot na ito sa mandatory retirement age na 56.

Dinaluhan ito ng ilang 3ID stakeholders, field commanders at iba pa ang nasabing seremonya.

Pinasalamatan ni Vinoya ang Armed Forces of the Philippines, Philippine Army, Army Visayas Command, Spearhead Troopers at mga stakeholders para sa tiwala at suporta sa kanya bilang 3ID Division Commander.

Si Baluyan ang dating Commander ng 302nd Infantry (Achiever) Brigade na nakabase sa Camp Leon Kilat, Tanjay City, Negros Oriental.

Samantala, naniniwala naman si MGen. Centino na maipagpatuloy ni Baluyan ang nasimulan ng 3ID sa tulong na rin ng lahat ng myembro ng Spearhead Division at suporta mula sa LGUs at stakeholders sa Division’s Area of Operation.

Nanawagan din ito sa lahat ng Spearhead Troopers na ipagpatuloy ang dedikasyon sa pagbigay ng serbisyo at mag pokus sa pagpapanatili ng katahimikan at kaayusan sa lugar.