LALAKING NAGKAUTANG SA ONLINE SABONG, NAGBIGTI-PATAY

Patay na nang matagpuan alas 3:30 kaninang madaling araw sa tinutulugang kwarto ang isang 41 anyos na lalaki sa isang lugar sa Altavas.

Sa imbestigasyon ng Radyo Todo, ginising ng kanyang amo ang biktima para magpahatid sa palaisdaan, subali’t hindi umano ito sumasagot.

Kinabahan umano ang kanyang amo, kung kaya’t tinawag nito ang iba pang pamily para pailawan ng flash light ang kuwarto at doon nila nakitang may tali ito sa leeg.

Kaagad naman silang tumawag ng pulis at taga punerarya upang asikasuhin ang labi ng biktima.

Kumbinsido naman ang pamilya ng biktima na walang foul play sa kanyang pagkamatay.

Ayon naman sa kanyang pinagtatrabahuan at mga kaibigan, pasado alas 5;00 kahapon ng hapon nang huli nilang makita ang biktima na lasing na nang dumating galing sa inuman.

Kinumpirma din ng kanyang mga kasama sa bahay na marami nang naniningil sa biktima dahil sa mga pinagkautangan nito sa online sabong, na siya nilang nakikitang dahilan ng kanyang pagbigti.

NOTE: Kung ikaw ay may kakilalang nangangailangan ng tulong ukol sa mental health, i-contact ang National Mental Health Crisis Hotline sa mga numerong: 0917-899-8727 o 989-8727