Beach guard nagbigti patay

Boracay, Malay – Patay na nang matagpuan pasado ala 1:40 kaninang madaling  araw ang isang 27 anyos na lalaki matapos umanong magbigti sa Sitio Cagban, Manocmanoc, Boracay.

Sa inisyal na imbestigasyon ng Malay PNP,  dumating sa kanilang bahay ang biktima mga dakong alas 12:00 ng hating-gabi at nakipag video call pa ito sa kanyang asawa.

Nakita nalang umano ang biktima ng kanyang pinsan na nakabitay na sa kisame ng kanilang bahay sa taas na 12 talampakan mga dakong ala 1:40 kaninang madaling araw.

Naniniwala naman umano ang kanyang pamilya na walang ‘foul play’ sa kanyang pagpapakamatay.

Sa ngayon ay hindi pa tukoy ang dahilan ng pagpapakamatay ng biktima.