Kalibo, Aklan – Ginpangunahan ni Aklan Police Provincial Director P/Col. Esmeraldo Osia, Jr. ro pagsarado sa Yetbo Gaming Philippines Corp. nga naga-operate it tanan nga outlet it Philippine Charity Sweepstakes Office ukon PCSO sa bilog nga probinsya.

Raya hay bilang pagtuman sa mandu ni Pangueong Rodrigo Duterte nga punduhon eon ro operasyon it Lotto, Small Town Lottery (STL), Keno, Peryahang Bayan ag tanan nga gaming schemes nga may permit halin sa PCSO.

Base sa datos nga halin sa PNP, 100% eon nga sarado ro tanan nga outlet it PCSO sa Aklan.

May 63 ro kabilugan nga numero it mga ginpasaradong outlet kun siin 35 kara rong lotto outlet, 24 rong STL, 2 ka Keno ag 2 man nga Peryahan ng Bayan.

Owa man it nakita nga problema ro bahin it PNP bangud nga nagasunod eamang sanda sa mandu.

May kaangtanan kara, nagpanawagan man sanda sa publiko nga suportahan ro mandu it pangueo.