ROBREDO, HINAMON NG TASK FORCE TO END LOCAL COMMUNIST ARMED CONFLICT NA PASAMAIN ANG MGA REBELDE SA HARAP NG PUBLIKO; PRESIDENTIAL CANDIDATE PING LACSON, HANDANG MAWALAN NG BOTO SA PANINDIGAN NA MAY ALYANSA SI ROBREDO SA MGA REBELDE

HINAMON ni Undersecretary Lorraine Marie Badoy si VP Leni Robredo at ang kampo nito na pasamain ang mga rebeldeng CPP NOA NDF sa publiko.

Si Sec. Lorraine, ang spokesperson ng National Task Force to End Local Communist Armed Conflict for sectoral concerns at communication presidential undersecretary.

Ipinanawagan ni Badoy ang public condemnation ng kampo ni Robredo sa mga rebelde kasunod ng pagtanggi ng bise president na nakipag-alyansa siya sa CPP NPA NDF para sa kanyang kandidatura.

Nauna nang sinabi ni Badoy na insulto sa mga Pinoy ang kasunduan sa gitna ni Robredo at mga rebelde.

Ipinahayag rin ni Badoy na pagtataksil sa mga supporters ni Robredo ang pakikipag-alyansa nito sa CPP NPA NDF.

Napag-alaman na nagpahayag ng pagsuporta sa bise president si CPP NPA NDF founding chairman Joma Sison sa pamamagitan ng post sa Twitter.

Kaugnay nito, handa naman si Senator Panfilo Ping Lacson na mawalan ng boto dahil sa kanyang pahayag sa publiko ukol sa paniniwala nito sa pakikipag-alyansa ng kampo ni Robredo sa mga rebelde.

Ayon kay Lacson, suportado ng kanyang intelligence information na may presensya ng mga rebeldeng komunista ang rally ni Robredo.

Dagdag pa ni Lacson, hindi siya nababahala na mabawasan ang kanyang boto dahil sa paniniwalang ito.