Pilipinas, isa sa may pinakamababa pa ring rate of infection ng COVID-19 sa buong mundo

“Two cases per million population.” Ganito ang ipinresenta ng Department of Health (DOH) ang rate of infection ng COVID-19 sa Pilipinas kay Pangulong Rodrigo Duterte.

Ayon kay DOH Secretary Francisco Duque, lubhang napakalayo ng ranking ng Pilipinas kung ikukumpara sa ibang mga bansa lalo na sa mga mayayamang nasyon at ito ayon sa kalihim ay nasa listahan na nakalagay aniya sa COVID World Tracker.

Ayon kay Duque, nakatulong sa pagpigil ng pagkalat ng COVID sa Pilipinas ang absolute travel restriction na ibinaba ni Pangulong Duterte sa mga manggagaling sa bansang China noong Pebrero.

Sa panig naman ni Chief Implementer Ret. General Carlito Galvez, sinabi nitong hindi tumataas sa 30 ang naiuulat na nagpopositibo sa COVID kada araw kung ikukumpara sa ibang bansa gaya ng US na may 1,000 naitatalang COVID-positive kada araw. – radyopilipinas.ph