🇵🇭 Pilipinas Pinakamahal na Asukal sa Asya, at Pinakamataas na Buwis sa Mundo 🌍💰

Si Albay Rep. Joey Salceda, chairman ng House committee on ways and means, ay mariing tumututol sa panukalang buwisan ng Department of Finance (DOF) ang matatamis na inumin at mga junk food.

Ito ay dahil sa dahilang ang Pilipinas na ang may titulo bilang bansang may pinakamahal na presyo ng asukal sa buong Asya, maliban sa Hong Kong, at may pinakamataas na buwis sa asukal sa buong mundo— na doble pa sa Mexico.

Nabanggit rin ni Salceda na ang obesity rate sa Pilipinas ay 22% lamang, na mas mababa kumpara sa 76% ng Mexico, kung saan ipinatupad ang pagtaas ng buwis sa matatamis at junk food. “So, ano ang makukuha mo dito?” tanong ni Salceda.

Ang presyo ng refined sugar sa Pilipinas ay umaabot mula P86 hanggang P110 kada kilo, kahit na may ipinasok na smuggled na asukal sa bansa, na dati nang kinuwestiyon ng ilang senador.

Tinutulan rin ni Salceda ang paliwanag ni Finance Sec. Benjamin Diokno na kinakailangan ang pagtaas ng buwis sa matatamis na inumin at junk food para mabawasan ang bilang ng mga obese sa bansa. “Napaka-agresibo nitong paraan na ito na bubuwisan ang pagkain. Kailangan ito ng mabusising pag-aaral,” ani Salceda.