COLLEGE PARTY SA TEXAS BINULABOG NG PAMAMARIL; 2 PATAY, 12 SUGATAN

Nagpaulan ng bala ang di pa nakilalang suspek sa isang college party sa A&M University-Commerce sa Texas.

Nasawi ang dalawang katao habang labingdalawa ang sugatan sa naganap na pamamaril, Sabado ng gabi.

Batay sa imbestigasyon ng Dallas police, maaaring may isang target ang suspek sa naturang party na dinadaluhan ng 750 na katao sa Greenville.

Ayon kay Hunt County Sheriff Randy Meeks, hanggang ngayon ay pinaghahanap pa rin ng pulisya ang pangunahing suspek at hindi pa natutukoy ang pagkakakilanlan nito.

Samantala, anim sa sugatan ay natamaan ng bala ng baril, 4 sa kanila ang nasa kritikal ang kondisyon