Mayor Juris Sucro, magbibigay ng P30k na pabuya sa makapagtuturo ng suspek na pumatay kay Eduel Rebaño

Nag-alok ng P30,000 na pabuya si Mayor Juris Bautista Sucro sa kung sino man ang makapagtuturo ng suspek na pumatay kay Eduel Rebaño sa Sitio Tugbungan, Brgy. Pook, Kalibo.

Kinondena ng alkalde ang ginawang pagpatay sa nabanggit na miyembro ng LGBT community na natagpuang wala ng buhay sa isang kubo nitong Sabado, Disyembre 10.

Kung matatandaan, nagtamo ng mga malalang tama ng hampas sa ulo ang biktima na posibleng dahilan ng kanyang pagkamatay.

Natagpuan sa crime scene ang kahoy ng bayabas na maaaring ginamit umanong panghampas sa ulo ng biktima.

Pero hanggang ngayon ay pinaghahanap pa rin ang motorsiklong ginamit nito.

Nananawagan din ng hustisya ang pamilya ni Rebaño at agarang paglutas sa krimen.