Live band at iba pang uri ng live entertainment, bawal muna sa Boracay

Nagpatupad ang lokal na pamahalaan ng Malay ng mas mahigpit na pagbaawal sa operasyon ng mga bars sa isla dahil sa pagtaas ng kaso ng COVID-19 sa Boracay island.

Sa abiso ng LGU Malay kahapon, Marso 28, nakasaad na panandalian munang pahihintuin ang mga live shows, banda at iba pang uri ng live entertainment sa mga restaurants at food parks.

Magsasagawa ng random inspection ang Malay Composite Team sa mga nag-o-operate na restaurants at food parks sa isla para masigurado ang pagsunod sa minimum public health standards.

Kasalukuyang naka surgical lockdown ang 31 hotels sa Boracay sa loob ng 14 na araw na nagsimula nitong March 28 at magtatapos sa April 10.