Lasing kulong matapos na dinuro-duro at hinamon ng away ang kapitan ng Albasan

Pansamantalang ikinulong sa Numancia PNP ang isang lasing matapos nitong duru-duruin at hamunin ng away ang kapitan ng barangay Albasan, Numancia.

Ayon kay PMSGT. Felizardo Navarra ng Numancia PNP, nangyari ang insidente alas-5:00 kahapon sa selebrasyon ng Pagbayaw kay Sr. Sto. Niño sa Albasan.

Sinasabing lasing ang suspek na si Jessie Magpusao, 44 anyos na residente ng nabanggit na barangay nang duru-duruin at hinamon nito ng away si kapitan Royden Perlas dahil umano kontra partido naman sila.

Pagkatapos na manghamon ng away ay agad umanong umalis si Magpusao pero nagdesisyon si kapitan na tumawag ng pulis para maiwasan na makaperwisyo pa ito ng iba.

Nagresponde naman ang mga pulis at dinalan si Magpusao sa Numancia PNP station para sa safekeeping.