Habal-habal driver arestado sa buy-bust operation sa isla ng Boracay

Arestado ang isang habal-habal driver na tulak ng droga sa isinagawang buy-bust operation alas 11:27 kagabi sa Sitio Lapus-Lapus, Balabag Boracay.

Kinilala ang suspek na si Mardy Lazaro, 32, tubong Bulacan at ngayon ay naninirahan sa Sitio Lapuz-Lapuz, Boracay.

Nakuha kay Lazaro ang 1 sachet ng pinaghihinalaang shabu kapalit ng P1000 na buy-bust money.

Karagdagang apat na sachet ng suspected shabu pa ang narekober sa kanyang posisyon.

Samantala, mariin naman itong itinanggi ng suspek kung saan ayon sa kanya ay hindi siya nagbebenta ng illegal na droga.

Ayon naman sa Malay PNP, matagal na nilang minomonitor ang nasabing suspek na nagtutulak ng ipinagbabawal na gamot sa isla.

Dahil dito mahaharap sa kasong paglabag sa R.A 9165 o ang Comprehensive Dangerous Drugs Acts of 2002 ang suspek na si Lazaro.