BABAENG TURISTA, NAHULOG MULA SA IKATLONG PALAPAG NG RESORT SA BORACAY

Isang babaeng bakasyunista ang nahulog mula sa ikatlong palapag ng isang resort sa Boracay kaninang madaling araw.

Batay sa ulat ng Malay PNP, nagtamo ng mga multiple injuries sa katawan ang 42 anyos na turista mula sa San Antonio, Pasig City na nagbakasyon sa isla at pansamantalang nananatili sa isang resort sa Balabag, Boracay.

Pahayag ng front desk officer ng resort, nahulog ang babae mula sa Annex building.

Maingat na dinala ng Malay medical responders sa Ciriaco Tirol Hospital ang biktima para magamot.

Hindi na rin nito maalala ang dahilan ng kanyang pagkahulog.