AKLAN, GCQ NA SA SEPTEMBER 8

Kinumpirma ni Kalibo Mayor Emerson Lachica na ibababa na sa General Community Quarantine (GCQ) ang quarantine status ng Aklan sa Setyembre 8, 2021.

Ipinaabot umano ni Aklan Governor Florencio Miraflores sa Provincial Inter-Agency Task Force (IATF) meeting kahapon na naglabas ng resolusyon ang National IATF na magiging GCQ na ang Aklan pagkatapos ng MECQ status sa 7.

Kasunod nito, napag-usapan nila ang mga magiging pagbabago sa ilalim ng GCQ status.

Kasama rito ang pagpayag sa dine-in samga restaurants/kainan ng hanggang sa 30% capacity.

Pati na rin ang pagbukas ng mga salon at parlors sa 30% capacity.

Maliban dito, balak din nila na i-adjust ang business hours sa Aklan ng hanggang sa alas-7 ng gabi.

Samantala, ang curfew hours ay mananatili pa rin sa alas-8 ng gabi ng hanggang sa alas-4 ng madaling araw.

Nakatakdang maglabas ng Executive Order si Governor Miraflores kaugnay sa mga napagkasunduan sa nasabing pagpulong.