4 huli sa aktong naglalaro ng pusoy sa Malay

Arestado ang apat na indibidwal dahil sa paglalaro ng sugal na pusoy sa So. Cabanbanan, Brgy. Manocmanoc, Boracay kahapon.

Ang apat ay naaktuhan ng mga pulis mula habang nagsasagawa ng Illegal Gambling Operations sa lugar.

Kabilang sa mga naaresto sina Gerald Martinez, 19 anyos, Regia Pala-obsanon, 37 anyos, Darel Villaranda, 37 anyos, at Gerald Doronila, 36 anyos, lahat nakatira sa nabanggit na lugar.

Nakumpiska ng mga kapulisan ang mga perang ginamit pang taya na nagkakahalaga ng P1,353 at isang set ng baraha na gagamiting ebidensya laban sa kanila.

Ang apat ay nahaharap sa paglabag sa P.D 1602 o illegal gambling.