Babaeng kadete, topnotcher sa PMA Masidlawin Class of 2020

Topnotcher ang isang babaeng kadete mula sa Echague, Isabela sa Philippine Military Academy (PMA) Masidlawin Class of 2020.

Si Cadet First Class Gemalyn Sugui, ang number one sa 196 na kadete. Matatanggap ni Sugui ang Presidential Saber, ang pinakamataas na Achievement Award for Academic Excellence, JUSMAG (Joint US Military Advisory Group) Award, Philippine Army Saber, Spanish Armed Forces Award,
Social Science Plaque, Management Plaque, at Rule of Law Award.

Samantala, nasa ikalawang pwesto naman si Cadet First Class Jade Villanueva mula Tacloban City na tatanggap ng Vice Presidental Saber;
ang pangatlo ay si Cadet First Class Jefferson Salazar ng Zamboanga City na tatanggap ng Secretary of National Defense Saber.

Kasama din sa top ten sina: Cadet First Class Rotes Gaile Jamandre ng Lamut, Ifugao; Cadet First Class Jeb Bay-an ng La Trinidad, Benguet; Cadet First Class Catabay Ladyong ng Tabuk, Kalinga; Cadet First Class Vanelyn Angel Tabao ng Tuguegarao City; Cadet First Class June Giel Anne Factor ng Piddig, Ilocos Norte; Cadet First Class Rubenson Abgao ng Maliwanag Baroy, Lanao del Norte; at Cadet First Class Dencel Aina Bayaca ng Floridablanca,
Pampanga.