NANAY, SINUNTOK NG ANAK

Ipinakulong ng 64 anyos na nanay ang kanyang anak matapos siyang suntukin nito kagabi sa Brgy. Calimbajan, Makato.

Kinilala ang biktimang si Recolita Timtiman ang kanyang anak na si Deneb Timtiman, 28 anyos, kapwa mga residente ng nasabing lugar.

Batay sa imbestigasyon ng rumesponding kapulisan, nangyari ang insidente dakong alas 6:30 kagabi nang sawayin ng ina ang kanyang anak dahil ipinagpag nito ang mga pinggan sa lamesa sa harap ng kanilang mga bisita sa fiesta.

Ikinagalit ito ng kanyang anak at sinuntok siya sa kanyang kaliwang tenga.

Minabuting ipakulong na lamang ng ina ang sariling anak upang maiwasan ang anumang problema na posibleng gawin nito.