KOREAN NATIONAL, NATAGPUANG PATAY SA ISANG RESORT

Boracay Island – Hindi na humihinga ng madatnan ng kanyang pamilya ang isang Korean national sa loob ng tinuluyang kwarto sa isang resort sa isla ng Boracay

Ang biktima ay nakilalang si Do Youngki, 34 anyos,

Ayon sa imbistigasyon ng Malay PNP, napag-alaman na mga dakong alas 5:00 kahapon ng hapon ng sumama ang pakiramdam ng biktima kaya agad itong uminom ng gamot sa diarrhea.

Mga dakong alas 9:30 kagabi ng madatnan ng kanyang pamilya sa loob ng kwarto ang biktima na hindi na ito humihinga.

Kaagad isinugod sa isang clinic ang biktima pero ideniklara itong patay.

Cardiopulmonary Arrest ang ikinamatay ng biktima.