ESTUDYANTENG PATUNGO NG ESKWELAHAN, NA HIT AND RUN

Sugatan ang isang estudyante na grade 11 makaraang ma-hit and run ng isang truck malapit sa Tagas Elementary School.

Kinilala ang mga biktimang si Alyza Vargas, 17 anyos ng Tagas, Tangalan.

Ayon sa mismong pahayag ng biktima, naglalakad siya papuntang eskwelahan upang magpraktis sa kanilang sayaw nang mahagip siya ng rumaragasang truck.

Tumilapon ang biktima at nagtamo ng mga pinsala sa katawan subalit hindi umano tumigil ang drayber ng truck na dumiretso sa direksyon ng Poblacion, Tangalan.

Patuloy pa nilang inaalam ang pagkakakilanlan ng drayber ng truck.

via|Jun Cabesilla