Task force binuo para sa 50th birthday selebrasyon ni Gov. Contreras

Bumuo ng Task Force ang Provincial Goverment ng Capiz para sa selebrasyon ng ika-50 kaarawan ni Gov. Nonoy Contreras sa darating na Nobyembre 6.

Batay sa memorandum order na nilagdaan ni Provincial Administrator Edwin Monares, tatawagin ang Task Force na “Task Force on the 50th Golden Thanksgiving Celebration of the Governor”.

Ang selebrasyon ay pangungunahan ng Provincial Tourism Office.

Layunin ng Task Force ang maghanda ng “simple but meaningful” na selebrasyon sa kaarawan ng opisyal.

Bahagi ng selebrasyon ang pagbubukas ng ilang mga programa at serbisyo para sa publiko sa ilalim ng Kabalaka Caravan ng gobyerno probinsyal.