MGA WAGI SA ATI-ATIHAN COSTUME MAKING CONTEST, INIHAYAG NA

Itinanghal na ang mga nagwagi sa Ati-atihan Costume Making Contest, hapon ng Enero 17, 2021, matapos ang mahigit isang buwang paghihintay simula nang buksan ang nasabing patimpalak.

Isa sa mga pinakaaabangan at kinamamanghaan tuwing Ati-Atihan festival ay ang mga makukulay at magagarbong costume ng bawat tribu. Dahil sa pandemya, iba ang naging pagdaraos ng Ati-Atihan ngayong taon.

Upang patuloy na maipamalas ng bawat tribu ang kanilang husay sa paggawa ng Ati-Atihan costume, inilunsad ng lokal na pamahalaan ng Kalibo ang Ati-Atihan Costume Making Contest. Mayroon itong apat na kategorya: Tribal, Modern Tribal, Balik-Ati, at Individual.

Ang bawat entry o costume ay dapat na sumasalamin sa kulturang Aklanon at ng tribung kalahok. Kailangan ding ilangkap bilang bahagi ng costume ang itim na face mask at face shield.

Binuksan ang nasabing patimpalak sa lahat ng tribu at indibidwal na naging kalahok sa 2020 Ati-Atihan Contest. Ang bawat kalahok ay nagsumite ng kanilang entry, kasama na ang video documentation ng kanilang pagbuo ng costume.

Ang mga nagwagi at ang kaukulang premyo sa bawat kategorya ay ang mga sumusunod:

Tribal Category
1st Place (P15, 000.00) – Tribu Tamaeunon
2nd Place (P10,000.00) – Tribu Bukid Tigayon
3rd Place (P7,500.00) – Black Beauty Boys

Modern Tribal
1st Place (P10,000.00) – Atras Abante
2nd Place (P7,500.00) – Roadside
3rd Place (P5,000.00) – Aeang Aeang

Balik-ati
1st Place (P10,000.00) – Maninikop
2nd Place (P7,500.00) – Datu Puti
3rd Place (P5,000.00) – Tribu Naisud

Individual
Most Creative (P5,000.00) – Goddess of Perseverance and Hope
Most Colorful (P5,000.00) – Goddess of Perseverance and Hope
Most Innovative (P5,000.00) – Pigeon

Samantala, naggawad din ng P2,000.00 na consolation prize sa bawat kalahok ng patimpalak.