Ibajay — Sugatan ang isang lasing na motorista matapos aksidenteng bumangga sa poste bandang alas 6:20 kagabi sa Naisud, Ibajay.
Nakilala ang biktimang si Christian Traje, 28 anyos na tubong Tagas, Tangalan at kasalukuyang residente ng Polo, Ibajay.
Base sa imbestigasyon ng Ibajay PNP, galing ang biktima sa birthday celebration ng kanyang ama, at lasing na umanong nagmaneho ng motorsiklo pauwi.
Subalit pinaniniwalaang lumagpas ito sa kurbadang kalsada dahil na rin umano sa madilim doon, maliban pa sa mabilis ang kanyang pagpapatakbo ng motorsiklo.
Resulta, bumangga siya sa poste at sumemplang, rason ng sugat niya sa ulo.
Kaagad umano siyang dinala sa Ibajay Hospital ni Kapitan Edgar Pelayo, gamit ang kanyang sasakyan, subalit inilipat kinalaunan sa isang ospital sa Kalibo.
Ayon pa sa Ibajay PNP, hindi na umano sana siya pauuwiin muna ng kanyang asawa sa kanilang bahay sa Polo, nang malamang lasing na siya at magmamaneho pa ng motorsiklo.
Kinumpirma ni LTO-Aklan Chief Engr. Marlon Velez na may mga motorista na nahuhuling gumagamit ng…
Isa na ngayon sa mga itinuturing na person of interest sa panghoholdap at pagpatay sa…
Nakuhaan ng 6 na sachet ng droga ang lalaking hinuli ng mga kapulisan sa Balactasan,…
Naligo sa sariling dugo ang isang lalaki matapos pagsasaksakin ng kanyang kainuman sa isang pista…
Nagwakas ang buhay ng isang lalaking admin ng J&T matapos barilin ng holdaper sa Brgy.…