Tatlo ang sugatan matapos aksidenteng bumangga ang isang motorsiklo bandang alas 8:45 kaninang gabi sa Linabuan Norte, Kalibo.
Nakilala ang mga biktimang magkapatid na sina George at Ronilo Victoriano, pawang nasa legal na edad at residente ng Mambog, Banga, at isa pang rider ng motorsiklo na si Jayralph Nacino Reteo, 26 anyos ng Fulgencio, Balete.
Base sa inisyal na imbistigasyon, nagmomotorsiklo umano ang magkapatid galing Kalibo pauwi ng Banga, nang mahulog umano sa kalsada ang helmet ng driver na si George.
Nilingon umano ito ng nasabing driver, subali’t hindi na umano nito namalayang napunta na sila sa linya ng pasalubong na truck na minamaneho naman ni Almir Castro Almine, 31 anyos ng Poblacion, Altavas, na papunta naman sana ng Kalibo.
Dahil dito, sinalpok nila ang truck bago bumangga pa sa nagmomotorsiklo ring si Jayralph na patungo ring Banga.
Kapwa sumemplang sa kalsada ang mga motorsiklo, rason na nagtamo ng sugat at pinsala sa katawan ang magkapatid na kaagad ring dinala sa provincial hospital, habang sa St. Jude Hospital naman si Jayralph.
Pansamantala namang ikinustodiya sa Kalibo PNP station ang mga sasakyang nasangkot sa aksidente para sa karampatang disposisyon.
Kinumpirma ni LTO-Aklan Chief Engr. Marlon Velez na may mga motorista na nahuhuling gumagamit ng…
Isa na ngayon sa mga itinuturing na person of interest sa panghoholdap at pagpatay sa…
Nakuhaan ng 6 na sachet ng droga ang lalaking hinuli ng mga kapulisan sa Balactasan,…
Naligo sa sariling dugo ang isang lalaki matapos pagsasaksakin ng kanyang kainuman sa isang pista…
Nagwakas ang buhay ng isang lalaking admin ng J&T matapos barilin ng holdaper sa Brgy.…