Nahuli na bandang alas 6:30 nitong gabi ang suspek sa pagnanakaw sa Kalibo Cathedral kagabi na naglimas ng pera mula sa dalawang donation box doon.
Kaugnay nito, kasalukuyan nang nasa kostodiya ng Kalibo PNP ang suspek na si Luther Iguin Ortega, 30 anyos ng Bulabod, Malinao.
Ayon sa chief security ng Cathedral na si Ronnie Quimoy, naispatan umano ng isa sa mga church worker na naglilingkod rin bilang choir member ang suspek na may dalang bag na umakyat sa choir loop.
Ilang sandali pa umano ang nakalipas nang ipagbigay alam ito sa kanya ng choir member, rason na pina lock niya ang pintuan sa choir loop habang inaakyat niya doon ang suspek.
Ayon pa kay Quimoy, nakita niya doon ang suspek na mag-isa habang tumatagay pa ng gin.
Kaagad umano siyang bumaba para magpasaklolo sa pulis, sa pangambang baka meron itong armas.
Dumating naman ang mga pulis at naaresto ang suspek kung saan narekober ang bag na naglalaman ng mga barya at perang papel na nagkakahalaga ng P4,290.00.
Tumanggi namang magbigay ng pahayag ang suspek nang subukang kapanayamin ng media.
Ipinag-utos ni President Ferdinand Marcos Jr. sa Regional Tripartite Wage and Productivity Boards na muling…
TINATAYANG nasa P78,750 ang halaga ng danyos matapos tupukin ng apoy ang Jack N Jill…
Kinumpirma ni LTO-Aklan Chief Engr. Marlon Velez na may mga motorista na nahuhuling gumagamit ng…
Isa na ngayon sa mga itinuturing na person of interest sa panghoholdap at pagpatay sa…
Nakuhaan ng 6 na sachet ng droga ang lalaking hinuli ng mga kapulisan sa Balactasan,…