Hinold-up ang isang fish vendor sa Brgy. Agpalali, Tapaz, Capiz hapon ng Biyernes habang papauwi sa kanilang lugar sakay ng motorsiklo.
Kinilala ang biktima na si Arnold Labrador, 40-anyos, residente ng nasabing lugar.
Pinangalanan ng biktima ang mga suspek na sina Ariel, 23-anyos, Jerry, 19, at Jeirel Olog, 28, mga residente ng Brgy. Roxas sa parehong bayan.
Batay sa salaysay ng biktima sa mga otoridad, binangga umano ng mga suspek ang kaniyang motorsiklo at tinutukan siya ngĀ baril, isang caliber 45 at isang single shot 12 gauge shot gun habang siya ay pinalilibutan.
Naganap ang insidente sa nabundok na bahagi ng Sitio Malansa kung saan mapapansin na malayo pa ang mga bahay sa naturang lugar.
Mabilis na tumakas ang mga suspek tangay ang Php24,000 halaga ng pera na kinita umano ng biktima sa pagbibenta niya ng isda sa araw na iyon.
Agad na humingi ng tulong ang biktima sa mga opisyal ng Barangay at sa mga tauhan ng CAFGU na nakatalaga sa lugar subalit hindi na nila naabutan ang mga suspek sa kanilang pagresponde.
Patuloy na nagsasagawa ng hot pursuit operation ang Tapaz PNP sa ikadarakip ng mga suspek. (with report from KaTodong Butchoy Gardose)
Isang bulto ng shabu at granada ang nakuha ng mga awtoridad mula sa isang karpintero…
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…