Sugatan ang isang lalaki matapos saksakin ng kaniyang kainuman sa Brgy. Lapaz, Jamindan, Capiz.
Kinilala ang biktima na si Leny Galagate, 30-anyos, Mario Fundar, 45, parehong mga residente ng nasabing lugar.
Batay sa inisyal na imbestigasyon ng Jamindan PNP, nag-iinuman ang dalawa sa bahay ng isa nilang kaibigan kasama ang iba pa nilang mga barkada.
Ilang sandali pa ay nagpaalam umano ang suspek na umuwi pero bumalik ito at bigla nalang sinaksak ang biktima gamit ang kutsilyo.
Nagtamo ng saksak sa likod ang biktima. Agad itong isinugod sa Mambusao District Hospital para mabigyan ng kaukulang paggamot.
Sumuko sa Punong Barangay ang suspek at dinala ito sa Jamindan PNP Station kung saan ito pansamantalang nakakulong.
Pinaniniwalaang dating away ang motibo sa nasabing insidente.
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…