Nananatiling nasa unang pwesto ang mga Pilipino sa pinakamaraming oras na ginugugol sa internet at paggamit ng social media.
Iniulat ng research firms na Hootsuite at We Are Social, sa pinakabagong Digital 2021 report, mas tumaas ngayong taong ang naitalang datos kung saan umabot sa humigit-kumulang 10 oras at 56 minuto ang ginugugol ng mga Pinoy sa paggamit ng internet, kumpara sa 9 hours and 45 minutes, kumpara noong isang taon.
Napag-alaman pa na umaabot sa 4 na oras at 15 minuto kada araw ang paggamit ng mga Pilipino ng social media, habang ang average time spent sa buong mundo ay 2 oras at 25 minuto lamang.
Sinusundan ang Pilipinas ng Brazil at Colombia, habang ang bansang Japan naman ay naitala na may pinakamababang internet at social media use.
