Connect with us

Tech

30,000 VIDEO NA NAGBIBIGAY NG MALING IMPORMASYON TUNGKOL SA BAKUNA KONTRA COVID-19, TINANGGAL NG YOUTUBE

Published

on

Larawan mula sa thenextweb.com

Inilahad ng isang tagapagsalita ng YouTube na inalis nila mula sa video sharing platform ang mga video na sumasalungat sa mga impormasyong ibinabahagi ng World Health Organization (WHO) at iba pang health authorities tungkol sa mga bakuna kontra COVID-19.

Halimbawa nito ay ang mga video na nagsasabing ang bakuna laban sa COVID-19 ay nakamamatay, nakakabaog, o nagtataglay ng microchip na ipapasok sa katawan ng magpapabakuna.

Sa mga unang yugto ng pandemya, nagkalat din sa YouTube ang mga conspiracy theories tungkol sa COVID-19, gayundin ang mga lunas na pawang wala namang katotohanan.

Sa kabila ng ipinatutupad na ban sa mga ganitong uri ng content, malaking hamon pa rin para saYouTube at iba pang social media platforms ang pagbabantay, paghahanap,at pagbura ng mga videos.

Umabot na umano sa mahigit 800,000 videos na nagpapakalat ng mga maling imporasyon tungkol sa coronavirus ang tinanggal din ng YouTube noong nakaraang taon.