Nagsampa ng kaso ang biyuda ng nasawing NBA Star Kobe Bryant
kontra sa Island Express Helicopters na operator ng bumagsak na chopper sa
California hillside na kumitil sa buhay ng NBA legend at anak nitong si Gianna.
Inihain ni Vanessa Bryant ang ‘wrongful death lawsuit’ sa Los
Angeles Superior Court laban sa nasabing kompanya kahapon kasabay ng memorial
celebration ng dalawa.
Sinasabi na marami ang naging pagkukulang ng Island Express
kaya’t nangyari ang insidente noong January 26 kung saan 7 katao ang namatay
kasama ang piloto na si Ara Zobayan.
Sa ngayon ay wala pang komento kaugnay dito ang Island
Express na nauna nang nagsuspende matapos ang pangyayari.
