FIBA: Gilas Pilipinas tanggal na sa automatic Olympic slot

Talo nanaman ang  Gilas Pilipinas sa ginawang classification game ng 2019 FIBA World Cup sa Guangzhou laban sa Tunisia sa score na 86-67.

Ito na ang ika-apat na pagkatalo ng Gilas sa torneo kasunod ng laban nito sa Italy, Serbia at Angola.

Dahil dito ay tanggal na sa automatic spot ang Gilas para makasali sa 2020 Tokyo Olympics.

Bagamat talo ay may tsansa pa rin ang Gilas Pilipinas na makapasok sa Olympic sa pamamagitan ng Olympic Qualifying Tournament (OQT) sa susunod na taon.

Sa kabila nito, nagpahayag pa rin ng suporta ang palasyo para sa koponan.

“Verily, its not always winning that counts; it is how the game is played. Our Filipino players honorably competed with grit and passion today, and for that they deserve our admiration,” sabi ni Presidential Spokesperson Salvador Panelo.